Sistemi i klasifikimit Anatomik Terapeutik Kimik (ATC) përdoret për klasifikimin e lëndëve aktive të barnave sipas organit ose sistemit në të cilën ato veprojnë si dhe veçorive terapeutike, farmakologjike dhe kimike të tyre.
ATC code R: Sistemi Respirator është një nga ndarjet e Sistemit të klasifikimit Anatomik Terapeutik Kimik (ATC), një sistem i kodeve alfanumerike i hartuar nga OBSH për klasifikimin e barnave dhe produkteve të tjera mjekësore.
Sistemi Respirator
Shurup - (0.6 mg + 0.08 mg + 40 mg + 90 mg) / 1 g
TussiGo përmban si lëndë aktive kodeinë fosfat, benzaldehid, ekstrakt balsam Toluje dhe ekstrakt timusi. Kodeina frenon qendrën e kollës duke qetësuar kollën me origjinë të ndryshme. Kodeina dhe kripërat e saj, kryesisht fosfati, përdoren nga goja në trajtën e shurupeve për qetësimin e kollës. Ekstrakti i timusit dhe balsami i Tolusë janë përbërës bimorë me veti mukolitike, të cilët ndihmojnë në lehtësimin e kollës.
Shurupi TussiGo indikohet si ndihmës në sëmundjet akute dhe kronike të frymëmarrjes si: kollë me origjinë të ndryshme (nga gripi, ose ftohje), bronkit, laringit.
