Sistemi i klasifikimit Anatomik Terapeutik Kimik (ATC) përdoret për klasifikimin e lëndëve aktive të barnave sipas organit ose sistemit në të cilën ato veprojnë si dhe veçorive terapeutike, farmakologjike dhe kimike të tyre.
ATC code P: Barnat Antiparazitare është një nga ndarjet e Sistemit të klasifikimit Anatomik Terapeutik Kimik (ATC), një sistem i kodeve alfanumerike i hartuar nga OBSH për klasifikimin e barnave dhe produkteve të tjera mjekësore.
Barnat Antiparazitare
Tableta - 500 mg
Mezyl Forte përmban lëndën aktive metronidazol. Metronidazoli, një rrjedhës sintetik i nitroimidazolit, vepron kundër mikroorganizmave anaerobe gram-pozitive dhe gram-negative (lloje të Bacteroides, përfshirë grupin bakteror të B. fragilis, lloje të Clostridium, lloje të Eubacterium, lloje të Peptococcus, lloje të Peptostreptococcus dhe kundër protozoarëve (Trichomonas vaginalis, Entamoeba histolytica dhe Giardia lamblia). Mekanizmi i veprimit të metronidazolit ende nuk është sqaruar plotësisht. Mendohet se metronidazoli frenon sintezën e ADN-së. Ai ushtron veprim baktericid.
Mezyl Forte përdoret në:
• mjekimin e infeksioneve të shkaktuara nga mikroorganizma anaerobe dhe të infeksioneve nga protozoarët;
• parandalimin e infeksioneve postoperatore të shkaktuara nga bakteret anaerobe, sidomos speciet e bakteroideve dhe të streptokokëve anaerobë;
• mjekimin e septicemisë, bakteremisë, peritonitit, absceseve të trurit, pneumonisë nekrotizuese, osteomielitit, sepsis puerperal, absceseve pelvike, celulitit pelvik dhe infeksioneve të plagëve
postoperatore, kur prej tyre janë izoluar mikroorganizma patogjene anaerobe, të ndjeshme; trikomoniazë urogjenitale në femra (vaginit trikomonal) dhe meshkuj; vaginozë bakterore (e
njohur edhe si vaginit jospecifik), vaginozë anaerobe ose vaginit nga Gardnerella;
• gingivit ulçeroz akut; ulçera të kërcirit, të infektuara nga mikroorganizma anaerobe;
• infeksione dentare akute (p.sh. perikoronit akut dhe infeksione apikale akute);
• të gjitha format e amebiazës (sëmundje intestinale dhe ekstraintestinale) dhe ato të bartësve josimptomatikë të cisteve;
• xhardiazë;
• çrrënjosjen e Helicobacter pylori, i kombinuar me barna të tjera.
Tableta - 250 mg
Piperazina është një antihelmintik që vepron kundër askarideve (Ascaris lumbricoides) dhe enterobiazave (Enterobius vermicularis). Te askaridet, piperazina shkakton bllokim neuromuskulor që çon në paralizë muskulore të këtyre parazitëve, të cilët pastaj largohen me lehtësi nga pozicioni i tyre prej lëvizjeve të zorrëve dhe pastaj jashtëqiten me feçet.
Tabletat Piperazine 250 mg indikohen në trajtimin e askaridiazës dhe enterobiazës.
Emulsion - 25 % - 200 ml
