Tableta te pertypshme - 5 mg

Montalex përmban lëndën aktive montelukast. Montelukasti është një antagonist i receptorëve të leukotrieneve, i cili është i aftë të bllokojë lidhjen me receptorët e tyre. Leukotrienet shkaktojnë ngushtim dhe enjtje të rrugëve të kalimit të ajrit në mushkëri, gjithashtu shkaktojnë edhe alergji. Duke bllokuar leukotrienet montelukast përmirëson simptomat e astmës dhe ndihmon në kontrollin e saj. Gjithashtu Montalex 10 mg përmirëson simptomat e alergjive
sezonale (të njohura edhe si rinit alergjik). Mjeku mund ta përshkruajë Montalex për të trajtuar sëmundjen e astmës, për të parandaluar simptomat e saj gjatë ditës dhe natës.
● Montalex përdoret për trajtimin e pacientëve, të cilët nuk arrijnë të
mbajnë sëmundjen nën kontroll me trajtimin që kanë dhe kanë nevojë për terapi shtesë.
● Montalex (vetëm tableta 5 mg) mund të përdoret gjithashtu si një trajtim alternativ në vend të kortizonikëve inhalatorë për fëmijët nga mosha 6 deri në 14 vjeç, të cilët nuk kanë marrë kohët e fundit trajtim me kortizonikë oralë për astmën dhe kanë treguar, që nuk janë në gjendje të përdorin kortizonikë në formën e inhalacionit.
● Montalex ndihmon në parandalimin e ngushtimit të rrugëve ajrore, që mund të ndodhë gjatë gjimnastikës.
Në pacientët e rritur ku Montalex merret për trajtimin e astmës, ai mund të ndihmojë edhe në përmirësimin e simptomave të alergjisë sezonale (rinitit).
Mjeku duhet të përcaktojë se si do të përdoret Montalex duke u bazuar në simptomat dhe përkeqësimin e gjendjes së astmës suaj ose të fëmijës suaj.