Tretësirë për injeksion - ( 0.1%)  1 mg /1 ml

Adrenalina është një substancë endogjene e organizmit, e
prodhuar në palcën e gjendrës mbiveshkore, e cila ka efekte
farmakologjike të rëndësishme. Ajo është një agonist i fuqishëm i
adrenoreceptorëve alfa dhe beta, megjithëse efekti tek
beta-receptorët është më i shprehur, kryesisht në doza të vogla.
Efektet kryesore të adrenalinës janë të lidhura me dozën dhe
përfshijnë:
zgjerimin e bronkeve, ngushtimin e enëve të gjakut, rritjen e
frekuencës dhe të forcës tkurrëse të zemrës (efekti kronotrop dhe
inotrop pozitiv) dhe stimulimin në nivel qendror. Adrenalina është
antagoniste e histaminës. Ajo përdoret për trajtimin e emergjencave
për jetën.
Adrenaline përdoret në reaksionet akute alergjike dhe në shok
anafilaktik.
Gjithashtu përdoret në problemet kardiake kërcënuese për jetën.