Tretësirë për injeksion - 1 g/10 ml
Kalçiumi është një element mineral i domosdoshëm për ruajtjen e barazpeshës elektrolitike dhe për funksionimin e duhur të shumë mekanizmave rregullatore.
Pamjaftueshmëria e kalçiumit shoqërohet me çrregullime neuromuskulore dhe çmineralizimin e kockave. Marrja e kalciumit e rrit përqëndrimin e tij në serum dhe në të gjithë organizmin. 99% e kalciumit në organizëm është e lidhur me fosfatet në kocka, kryesisht si hidroksiapatit.
Indikohet në:
● pamjaftueshmëri kalçiumi (spazmofili, tetani, mjekim ndihmës në rakit, osteomalaci, osteoporozë, gjatë shërimit të frakturave);
● sëmundje alergjike (sëmundje e serumit, shok anafilaktik, urtikarie, edemë angioneurotike);
● sëmundje infektive kronike;
● ekzemë eksudative;
● mjekim ndihmës në trajtimin e pickimeve nga insektet.