Pomadë – 10%, 20 g

Iktiol përmban iktamol, i cili ka veprim antiseptik, antiparazitar dhe keratolitik.
Për përdorim të jashtëm dermatologjik, Iktioli përdoret lokalisht në të gjitha format e dermatiteve ekzematoze dhe në veçanti në ekzemën kronike, kur ka një trashje dhe deskuamim të theksuar të lëkurës, në psoriazë dhe erizipelë. Në sajë të vetive antiflogjistike-antiseptike dhe stimuluese të qarkullimit të gjakut, ai përmirëson simptomat e inflamacionit. Në raste me probleme purulente me një stad të avancuar inflamacioni, iktamoli favorizon zbutjen e vatrës së infeksionit dhe nxjerrjen e qelbit jashtë. Kjo përgatesë është e përshtatshme për shumicën e rasteve, por mund të ketë kufizime për pamjen e papëlqyeshme, erën jo të këndshme, si dhe për faktin se nuk mund të përdoret në fytyrë.