Tableta - 250 mg
Kloramfenikoli është një antibiotik bakteriostatik me spektër të gjerë veprimi.
Kloramfenikoli përthithet shpejt nga trakti intestinal, kurse biodisponibiliteti i tij është 75% deri në 90%. Përqëndrimi plazmatik maksimal është 10 deri në 200 mcg/mL. Rreth 60% e kloramfenikolit lidhet me proteinat plazmatike. Kloramfenikoli hyn në lëngun trunoshpinor, madje edhe në mungesë të meningjeve të inflamuara. Eksretimi i përgjithshëm urinar i kloramfenikolit luhatet nga 68% deri në 99% për tri ditë. Pjesa më e madhe e kloramfenikolit të pranishëm në gjak është në formën aktive. Gjysmëjeta e eliminimit të kloramfenikolit është rreth 4 orë.
Tabletat Kloramfenikol përdoren në infeksione kërcënuese për jetën, kryesisht ato të shkaktuar nga Haemophilus influenzae, dhe në ethet tifoide. Kloramfenikol nuk duhet të përdoret nëse ekzistojnë barna të tjera alternative më të sigurta.