Lista e barnave të rimbursuara,është një pjesë e rëndësishme e paketave të shërbimit që mbulon Fondi I Sigurimit të Detyrueshëm të Kujdesit Shëndetësor për popullatën. Lista e barnave të rimbursueshme ka si qëllim përmirësimin e cilësisë së shërbimit për të gjithë pacientët e në mënyrë të posaçme për shtresat në nevojë. Në këtë këndvështrim, FSDKSH synon përmes listës së re të barnave, te shtojë vëmendjen drejt kategorive si pensionistët dhe pacintët që vuajnë nga sëmundje të rënda.
Në hartimin e listës së barnave janë marrë parasysh disa kritere shkencore, duke i dhënë prioritet barnave të cilat përdoren për sëmundje të rënda; sëmundje me rrezikshmëri të lartë për jetën; sëmundje që shkaktojnë invaliditet; sëmundje që kanë rrezikshmëri përhapje në shoqëri; sëmundje që shkaktojnë shumë vuajtje si dhe sëmundje kronike që kërkojnë mjekim të zgjatur.
Sistemi Respirator - Të Rimbursueshme
Tableta te veshura me film - 10 mg
Cetirizinë klorhidrat është lënda aktive e Alcet. Alcet është një bar antialergjik.
Tek të rriturit dhe fëmijët 6 vjeç e sipër, Alcet indikohet:
● për qetësimin e simptomave nazale dhe okulare si pasojë e rinitit alergjik sezonal dhe atij vjetor;
● për qetësimin e pruritit kronik (urtikarien idiopatike kronike).
Shurup 2 mg/5 ml - 150 ml
Shurupi Butamol përmban lëndën aktive salbutamol sulfat. Salbutamoli është një simpatomimetik me veprim të drejtpërdrejtë, kryesisht me veti beta-adrenergjike dhe ka veprim selektiv mbi receptorët beta-2 (agonist). Sulfati i salbutamolit përdoret:
● si bronkodilatator në obstruksionet e kthyeshme të rrugëve të ajrit;
● për mjekimin dhe profilaksinë e astmës bronkiale;
● për mjekimin e sëmundjeve të tjera, si bronkiti dhe emfizema, të shoqëruara me obstruksion të prapësueshëm të rrugëve të frymëmarrjes.
Tretësirë për injeksion - (202 mg + 50.5 mg) / 10 ml (2.5%)
Aminofilina është një kompleks i teofilinës me etilendiaminën; kjo e fundit përmirëson tretshmërinë dhe përthithjen e teofilinës. Aminofilina lëshon drejpërsëdrejti muskulaturën e bronkeve dhe të enëve të gjakut të mushkërive, nxit sistemin nervor qendror, nxit diurezën, shton sekretimin acid të stomakut, ul trysninë e pjesës së poshtme të sfinkterit ezofageal dhe frenon tkurrjet uterine. Teofilina është edhe një nxitës qendror i frymëmarrjes.
Eufiline përdoret: për trajtimin dhe profilaksinë e bronkospazmave të prapësueshme të shoqëruara me astmë ose sëmundje pulmonare obstruktive kronike.
Drazhe - 100 mg
Aminofilina është një kompleks i teofilinës me etilendiaminën; kjo e fundit përmirëson tretshmërinë dhe përthithjen e teofilinës. Aminofilina lëshon drejpërsëdrejti muskulaturën e bronkeve dhe të enëve të gjakut të mushkërive, nxit sistemin nervor qendror, nxit diurezën, shton sekretimin acid të stomakut, ul trysninë e pjesës së poshtme të sfinkterit ezofageal dhe frenon tkurrjet uterine. Teofilina është edhe një nxitës qendror i frymëmarrjes.
Eufiline përdoret: për trajtimin dhe profilaksinë e bronkospazmave të prapësueshme të shoqëruara me astmë ose sëmundje pulmonare obstruktive kronike.
Tretësirë për injeksion - (192 mg + 48 mg) / 2 ml (12%)
Shurup - 1 mg / 5 ml
Shurupi Ketofex përmban lëndën vepruese ketotifen fumarat, i cili është një bar që përdoret për parandalimin dhe trajtimin e simptomave alergjike.
Ai indikohet në:
● trajtimin e simptomave në rrufë alergjike dhe në sëmundje alergjike të lëkurës, kur trajtimi me antihistaminikë oralë josedativë (antihistaminikë që nuk shkaktojnë përgjumje) si dhe përdorimi lokal i antihistaminikëve dhe glukokortikoidëve (preparate kortizonike) nuk është i përshtatshëm;
● parandalimin afatgjatë të simptomave astmatike në kombinim me antiinflamatorë të tjerë tek pacientët me ankesa të tipit alergjik në më shumë se një organ (p.sh. astmë bronkiale alergjike dhe alergji nga poleni ose pluhuri).
Udhëzim:
Shurupi Ketofex nuk është i përshtatshëm për trajtimin e atakeve akute të astmës.
Nuk rekomandohet trajtimi i astmës bronkiale vetëm me shurup Ketofex.
Terapia e astmës së rëndë duhet bërë gradualisht që të ketë sukses.
Terapia duhet të jetë e provuar nga kërkime të vazhdueshme mjekësore. Mjekët vlerësojnë se në ecurinë e sëmundjes si dhe në suksesin e trajtimit është i rëndësishëm një vetëkontroll i
përditshëm. Nëse edhe pas ndjekjes së një trajtimi korrekt nuk ka përmirësim, mjeku duhet të rivlerësojë terapinë.
Kapsula te forta - 1 mg
Kapsulat Ketofex përmbajnë ketotifen, një bar i cili përdoret për parandalimin dhe trajtimin e simptomave alergjike.
Ato indikohen në:
– trajtimin e simptomave në rrufë alergjike dhe në sëmundje alergjike të lëkurës, kur trajtimi me antihistaminikë oralë josedativë (antihistaminikë që nuk shkaktojnë përgjumje) si dhe
përdorimi lokal i antihistaminikëve dhe glukokortikoidëve (preparate kortizonike) në rrufë alergjike, nuk është i përshtatshëm;
– parandalimin afatgjatë të simptomave astmatike në kombinim me antiinflamatorë të tjerë tek pacientët me ankesa të tipit alergjik në më shumë se një organ (p.sh. astmë bronkiale alergjike dhe alergji nga bari).
Udhëzim:
Kapsulat Ketofex nuk janë të përshtatshme për trajtimin e atakeve akute të astmës.
Nuk rekomandohet trajtimi i astmës bronkiale vetëm me Ketofex - kapsula.
Terapia e astmës së rëndë duhet bërë gradualisht që të ketë sukses. Suksesi i terapisë duhet të kontrollohet me ekzaminime të vazhdueshme mjekësore. Mjekët vlerësojnë se në ecurinë e
sëmundjes si dhe në suksesin e trajtimit është i rëndësishëm një vetëkontroll i përditshëm. Kjo mund të jetë p.sh. në matjen me peak-flow metër të frymënxjerrjeve. Nëse edhe pas ndjekjes së një trajtimi korrekt nuk ka përmirësim ose ndodh përkeqësim i ankesave, mjeku duhet të rivlerësojë terapinë.
Kapsula te forta - 1 mg
Kapsulat Ketofex përmbajnë ketotifen, një bar i cili përdoret për parandalimin dhe trajtimin e simptomave alergjike.
Ato indikohen në:
– trajtimin e simptomave në rrufë alergjike dhe në sëmundje alergjike të lëkurës, kur trajtimi me antihistaminikë oralë josedativë (antihistaminikë që nuk shkaktojnë përgjumje) si dhe
përdorimi lokal i antihistaminikëve dhe glukokortikoidëve (preparate kortizonike) në rrufë alergjike, nuk është i përshtatshëm;
– parandalimin afatgjatë të simptomave astmatike në kombinim me antiinflamatorë të tjerë tek pacientët me ankesa të tipit alergjik në më shumë se një organ (p.sh. astmë bronkiale alergjike dhe alergji nga bari).
Udhëzim:
Kapsulat Ketofex nuk janë të përshtatshme për trajtimin e atakeve akute të astmës.
Nuk rekomandohet trajtimi i astmës bronkiale vetëm me Ketofex - kapsula.
Terapia e astmës së rëndë duhet bërë gradualisht që të ketë sukses. Suksesi i terapisë duhet të kontrollohet me ekzaminime të vazhdueshme mjekësore. Mjekët vlerësojnë se në ecurinë e
sëmundjes si dhe në suksesin e trajtimit është i rëndësishëm një vetëkontroll i përditshëm. Kjo mund të jetë p.sh. në matjen me peak-flow metër të frymënxjerrjeve. Nëse edhe pas ndjekjes së një trajtimi korrekt nuk ka përmirësim ose ndodh përkeqësim i ankesave, mjeku duhet të rivlerësojë terapinë.
Tableta - 15 mg
Tableta 10 mg
Lorade përmban lëndën aktive loratadinë, e cila bën pjesë në grupin e barnave të quajtur antihistaminikë.
Lorade përdoret për trajtimin simptomatik të:
● rinitit alergjik (p.sh. alergji nga polenat) si teshtimat, rrjedhje dhe kruarje hunde, irritim i syve
● urtikaries kronike idiopatike (me origjinë të panjohur).
Tableta - 10 mg
Lorade përmban lëndën aktive loratadinë, e cila bën pjesë në grupin e barnave të quajtur antihistaminikë.
Lorade përdoret për trajtimin simptomatik të:
● rinitit alergjik (p.sh. alergji nga polenat) si teshtimat, rrjedhje dhe kruarje hunde, irritim i syve
● urtikaries kronike idiopatike (me origjinë të panjohur).
Shurup - 5 mg/5 ml
Drazhe - 25 mg
Prometazina, një rrjedhës i fenotiazinës, ul ose zhduk veprimet kryesore të histaminës në organizëm, duke konkuruar ose bllokuar në mënyrë të prapësueshme histaminën në receptorët e indeve. Ajo nuk e çaktivizon histaminën dhe nuk e parandalon sintezën ose çlirimin e saj. Receptorët H1 të histaminës janë përgjegjës për zgjerimin e enëve të gjakut, rritjen e përshkueshmërisë së kapilarëve e kruarjet dhe deri në një farë mase për tkurrjen e muskulaturës së lëmuar të bronkeve dhe të aparatit tretës. Ajo ka edhe veti antimuskarinike, antagonizuese të adrenalinës, antagonizuese të serotoninës dhe efekte anestezike lokale.
Drazhetë Prometazine 25 mg indikohen në:
● qetësimin e përkohshëm të rrjedhjes së hundëve dhe teshtitjes të shkaktuara nga gjendjet gripale;
● qetësimin simptomatik të rinitit alergjik stinor dhe gjatë gjithë vjetit, rinitit vazomotor, konjunktivitit alergjik;
● qetësimin e simptomave me kruajtje alergjike e joalergjike;
● trajtimin e manifestimeve të lehta e të pandërlikuara të lëkurës nga urtikaria dhe angioedema;
● përmirësimin e reaksioneve alergjike prej gjakut ose plazmës;
● trajtimin e dermografizmit;
● mjekimin ndihmës në reaksionet anafilaktike;
● qetësimin paraoperator dhe pasoperator;
● parandalimin dhe kontrollin e nauzesë e të vjellave të shkaktuara nga disa tipa anestezie dhe ndërhyrjeje kirurgjike;
● mjekimin ndihmës të analgjezikëve për dhimbjet pasoperatore;
● nxitjen e një gjumi të lehtë;
● trajtimin aktiv dhe profilaktik të sëmundjes së lëvizjes (udhëtim me automjet, aeroplan, anije, etj).
