Lista e barnave të rimbursuara,është një pjesë e rëndësishme e paketave të shërbimit që mbulon Fondi I Sigurimit të Detyrueshëm të Kujdesit Shëndetësor për popullatën. Lista e barnave të rimbursueshme ka si qëllim përmirësimin e cilësisë së shërbimit për të gjithë pacientët e në mënyrë të posaçme për shtresat në nevojë. Në këtë këndvështrim, FSDKSH synon përmes listës së re të barnave, te shtojë vëmendjen drejt kategorive si pensionistët dhe pacintët që vuajnë nga sëmundje të rënda.
Në hartimin e listës së barnave janë marrë parasysh disa kritere shkencore, duke i dhënë prioritet barnave të cilat përdoren për sëmundje të rënda; sëmundje me rrezikshmëri të lartë për jetën; sëmundje që shkaktojnë invaliditet; sëmundje që kanë rrezikshmëri përhapje në shoqëri; sëmundje që shkaktojnë shumë vuajtje si dhe sëmundje kronike që kërkojnë mjekim të zgjatur.
Sistemi Kardiovaskular - Të Rimbursueshme
Tableta te veshura me film - 150 mg
Ultesan përmban lëndën vepruese irbesartan, i cili bën pjesë në grupin e barnave të njohur si antagonistë të receptorëve të angiotenzinës-II. Angiotenzina-II është një substancë e prodhuar
në trup, e cila lidhet me receptorët në enët e gjakut duke shkaktuar ngushtimin e tyre. Kjo çon në rritje të presionit të gjakut. Ultesan parandalon lidhjen e angiotenzinës-II me këta receptorë, duke shkaktuar relaksim të enëve të gjakut dhe ulje të presionit të gjakut. Ultesan ngadalëson uljen e funksionit të veshkave në pacientët me presion të lartë të gjakut dhe diabet tip 2.
Ultesan përdoret në pacientët e rritur:
● për trajtimin e presionit të lartë të gjakut (hipertensionit esencial);
● për mbrojtjen e veshkave në pacientët me presion të lartë të gjakut, diabet tip 2 dhe me të dhëna laboratorike për dëmtimin e funksionit të veshkave.
Tableta të veshura me film - 160 mg
Valsan përmban substancën aktive valsartan, i cili është një antagonist i receptorëve të angiotenzinës II. Angiotenzina II, e cila prodhohet nga organizmi, ngushton enët e gjakut. Kjo gjë shkakton rritjen e presionit të gjakut. Valsan parandalon ngushtimin e enëve të gjakut duke bllokuar efektin e angiotenzinës II. Kjo gjë relakson enët e gjakut dhe ul presionin.
Valsan 160 mg përdoret për:
● trajtimin e pacientëve me presion të lartë të gjakut (hipertension); presioni i lartë i gjakut rrit ngarkesën e zemrës dhe të arterieve; nëse nuk trajtohet mund të dëmtojë enët e gjakut të trurit, zemrës dhe veshkave dhe mund të çojë deri në insult, insufiçiencë kardiake ose insufiçiencë renale; presioni i lartë i gjakut rrit riskun e atakeve kardiake; duke ulur presionin tuaj të
gjakut deri në një vlerë normale, ulet risku i zhvillimit të këtyre çrregullimeve;
● trajtimin e pacientëve që kanë kaluar një atak kardiak (infarkt miokardi) kohët e fundit (12 orë deri në 10 ditë);
● trajtimin e pacientëve të rritur, me insufiçiencë kardiake simptomatike, kur trajtimi me barna të tjera specifike (të njohur si ACE – inhibitorë, të përdorur në trajtimin e insufiçiencës kardiake) nuk është i përshtatshëm.
Megjithatë, Valsan mund të merret së bashku me ACE - inhibitorët, nëse nuk mund të përdoren barna të tjerë të përdorur në trajtimin e insufiçiencës kardiake.
Tableta të veshura me film - 80 mg
Valsartan është një antagonist i receptorëve të angiotenzinës II. Angiotenzina II, e cila prodhohet nga organizmi, është një lëndë kimike që ngushton enët e gjakut. Valsartan parandalon ngushtimin e enëve të gjakut duke bllokuar efektin e angiotenzinës II.
Valsartan 80 mg përdoret për:
● trajtimin e hipertensionit; presioni i lartë i gjakut rrit ngarkesën e zemrës dhe të arterieve; nëse nuk trajtohet mund të dëmtojë enët e gjakut të trurit, zemrës dhe veshkave dhe mund të çojë deri në insult, pamjaftueshmëri të funksionit të zemrës ose pamjaftueshmëri të funksionit të veshkave; presioni i lartë i gjakut rrit riskun e atakeve kardiake;
● trajtimin e pacientëve që kanë kaluar një atak kardiak (infarkt i miokardit) kohët e fundit (që nënkupton nga 12 orë deri në 10 ditë);
● trajtimin e pacientëve me pamjaftueshmëri simptomatike të funksionit të zemrës, kur trajtimi me barna të tjera specifike (të njohur si ACE-inhibitorë) nuk mund të përdoret ose mund të merret së bashku me ACE-inhibitorët, nëse nuk mund të përdoren barna të tjera për trajtimin e pamjaftueshmërisë së funksionit të zemrës.
Tableta te veshura me film - 80 mg
Veprol përmban si lëndë aktive verapamil klorhidrat. Verapamili është një bllokues i kanaleve të kalçiumit. Mekanizmi i veprimit konsiston në frenimin e hyrjes së kalçiumit në qelizë. Qelizat kryesore ku vepron verapamili janë: qelizat e muskulaturës së lëmuar të enëve të gjakut,
qelizat e miokardit, qelizat e nyjes atrioventrikulare dhe nyjes sinoatriale. Efekti kalçibllokues shprehet me dilatacion dhe veprim antispastik në arteriet koronare, në arteriet dhe arteriolat periferike. Verapamili shkakton zvogëlim të përçueshmërisë atrioventrikulare, zvogëlim të
frekuencës kardiake dhe ulje të forcës tkurrëse në zemër.
Veprol përdoret në trajtimin e:
– aritmive supraventrikulare;
– angina pektoris;
– hipertensionit.
Tableta te veshura me film - 40 mg
Veprol përmban si lëndë aktive verapamil klorhidrat. Verapamili është një bllokues i kanaleve të kalçiumit. Mekanizmi i veprimit konsiston në frenimin e hyrjes së kalçiumit në qelizë. Qelizat kryesore ku vepron verapamili janë: qelizat e muskulaturës së lëmuar të enëve të gjakut,
qelizat e miokardit, qelizat e nyjes atrioventrikulare dhe nyjes sinoatriale. Efekti kalçibllokues shprehet me dilatacion dhe veprim antispastik në arteriet koronare, në arteriet dhe arteriolat periferike. Verapamili shkakton zvogëlim të përçueshmërisë atrioventrikulare, zvogëlim të
frekuencës kardiake dhe ulje të forcës tkurrëse në zemër.
Veprol përdoret në trajtimin e:
– aritmive supraventrikulare;
– angina pektoris;
– hipertensionit.
