Lista e barnave të rimbursuara,është një pjesë e rëndësishme e paketave të shërbimit që mbulon Fondi I Sigurimit të Detyrueshëm të Kujdesit Shëndetësor për popullatën. Lista e barnave të rimbursueshme ka si qëllim përmirësimin e cilësisë së shërbimit për të gjithë pacientët e në mënyrë të posaçme për shtresat në nevojë. Në këtë këndvështrim, FSDKSH synon përmes listës së re të barnave, te shtojë vëmendjen drejt kategorive si pensionistët dhe pacintët që vuajnë nga sëmundje të rënda.
Në hartimin e listës së barnave janë marrë parasysh disa kritere shkencore, duke i dhënë prioritet barnave të cilat përdoren për sëmundje të rënda; sëmundje me rrezikshmëri të lartë për jetën; sëmundje që shkaktojnë invaliditet; sëmundje që kanë rrezikshmëri përhapje në shoqëri; sëmundje që shkaktojnë shumë vuajtje si dhe sëmundje kronike që kërkojnë mjekim të zgjatur.
Sistemi Kardiovaskular - Të Rimbursueshme
Tableta - 20 mg
Enalapril, pas hidrolizës në enalaprilat, bllokon enzimën konvertuese të angiotenzinës (ACE) tek njerëzit. ACE është një peptidildipeptidazë që pengon kthimin e angiotenzinës I në angiotenzinë II, e cila është një substancë e fuqishme vazokonstriktore që stimulon sekretimin e aldosteronit nga korteksi adrenal. Të mirat e efekteve të enalaprilit në hipertension dhe insufiçiencë kardiake shfaqen si rezultat i bllokimit të sistemit reninë – angiotenzinë – aldosteron.
Enalapril përdoret në:
● hipertensionin esencial dhe renovaskular;
● insufiçiencën kardiake kongjestive;
● parandalimin e insufiçiencës kardiake simptomatike në pacientët me disfunksion asimptomatik të ventrikulit të majtë.
Tableta - 10 mg
Tableta - 40 mgFurosemidi është diuretik me veprim të shpejtë. Ai frenon ripërthithjen e joneve të natriumit dhe të klorit në gypthat proksimale dhe periferike të ansës Henle dhe si rezultat shtohet ekskretimi i natriumit, klorit dhe ujit. Po ashtu shtohet edhe ekskretimi urinar i kaliumit, kalciumit, magnezit dhe hidrogjenkarbonateve, ndërkohë që pH-i i urinës rritet.
Furosemid indikohet në:
– edema që shoqërojnë insufiçiencën kardiake kongjestive, cirrozën hepatike, sëmundjet e veshkave, përfshirë edhe sindromin nefrotik;
– edema të lokalizuara (pastraumatike ose për shkak të djegieve).
Furosemid është i efektshëm në mjekimin e hipertensionit, i vetëm ose i kombinuar me barna të tjera antihipertensive.
Furosemidi është diuretik i fuqishëm, me veprim të shpejtë si dhe është veçanërisht i dobishëm në të sëmurët, ku diuretikët e tjerë më pak të fuqishëm, siç janë diuretikët tiazidikë, nuk veprojnë siç duhet.
Tretësirë për injeksion - 20 mg/2ml
Furosemidi është diuretik me veprim të shpejtë. Ai frenon ripërthithjen e joneve të natriumit dhe të klorit në gypthat proksimale dhe periferike të ansës Henle dhe si rezultat shtohet ekskretimi i natriumit, klorit dhe ujit. Po ashtu shtohet edhe ekskretimi urinar i kaliumit, kalciumit, magnezit dhe hidrogjenkarbonateve, ndërkohë që pH-i i urinës rritet.
Furosemid indikohet në:
– edema që shoqërojnë insufiçiencën kardiake kongjestive, cirrozën hepatike, sëmundjet e veshkave, përfshirë edhe sindromin nefrotik;
– edema të lokalizuara (pastraumatike ose për shkak të djegieve).
Tretësira për injeksion Furosemid indikohet edhe:
– në edemat pulmonare akute;
– për mjekimin e oligurisë, për shkak të insufiçiencës renale.
Furosemid është i efektshëm në mjekimin e hipertensionit, i vetëm ose i kombinuar me barna të tjera antihipertensive.
Furosemidi është diuretik i fuqishëm, me veprim të shpejtë si dhe është veçanërisht i dobishëm në të sëmurët, ku diuretikët e tjerë më pak të fuqishëm, siç janë diuretikët tiazidikë, nuk veprojnë siç duhet.
Tableta - 25 mg
Hidroklortiazidi, sikurse të gjithë diuretikët tiazidikë, e shton jashtëqitjen urinare të natriumit dhe kaliumit në sasi afërsisht barazvlerëse. Si veprime të tjera mund të përmenden: jashtëqitja e joneve të kaliumit dhe atyre hidrogjenkarbonat, ulja e jashtëqitjes së kalciumit dhe mbajtja e acidit urik. Në doza terapeutike maksimale të gjithë diuretikët tiazidikë janë afërsisht të barabartë përsa i përket veprimit diuretik. Mekanizmi i saktë i veprimit të Hidroklortiazid ende nuk është sqaruar plotësisht. Zona e veprimit të barit është gypthi renal periferik dhe pjesa ngjitëse e ansës Henle. Bari frenon enzimën karboanhidrazë, duke ndikuar kështu në bartjen e hidrogjen-karbonateve në veshka. Nuk ushtron asnjë ndikim në presionin arterial normal. Efekti antihipertensiv në stadin fillestar lidhet me uljen e vëllimit të lëngut jashtëqelizor. Për veprimin antihipertensiv janë të nevojshme disa ditë. Për të arritur efektin terapeutik optimal janë të nevojshme 2 – 4 javë.
Tableta Hidroklortiazid përdoret në:
● mjekimin e edemave;
● insufiçiencën kardiake kongjestive, sëmundje të veshkave, si: sindromi nefrotik;
● cirrozën e mëlçisë;
● mjekimin e hipertensionit, i vetëm ose i kombinuar me barna të tjera antihipertensive.
Tableta te veshura me film - 10 mg
Lecorin përmban si lëndë aktive lerkanidipinë klorhidrat, që është një bllokues i kanaleve të
kalçiumit me veprime të njëjta me ato të nifedipinës. Lecorin ndikon në qelizat e miokardit, qelizat brenda sistemit të specializuar të përçimit të zemrës, dhe qelizat e muskulaturës së lëmuar të enëve të gjakut. Kështu, kontraktimi kardiak, formimi dhe përhapja e impulsit elektrik dhe tonusi i arterieve koronare apo sistemike mund të zvogëlohet.
Lecorin përdoret për trajtimin e hipertensionit esencial të lehtë deri të moderuar
Tableta te veshura me film - 10 mg + 20 mg
Lecorin ACE është një kombinim i një bllokuesi të kanaleve të kalciumit (lerkanidipinë) me një ACE-inhibitor (enalapril), të cilët janë barna që ulin presionin e gjakut.
Lecorin ACE përdoret për trajtimin e hipertensionit në pacientët tek të cilët presioni i gjakut nuk kontrollohet në mënyrë të përshtatshme nga përdorimi vetëm i enalaprilit me dozë 20 mg.
Lecorin ACE nuk duhet të përdoret si zgjedhje e parë në trajtimin fillestar të hipertensionit.
Tableta te veshura me film - 50 mg
Losartan është një antagonist i receptorëve të angiotenzinës II. Angiotenzina II është një lëndë kimike që gjendet në gjak, e cila ngushton enët e gjakut. Losartan bllokon këtë efekt duke bërë që enët e gjakut të relaksohen dhe në këtë mënyrë të ulet edhe presioni i gjakut.
Losartan indikohet:
● në trajtimin e hipertensionit;
● në trajtimin e pamjaftueshmërisë së punës së zemrës së bashku me diuretikët dhe/ose barna digitalike;
● në parandalimin e insultit në pacientët hipertensivë me hipertrofi të ventrikulit të majtë;
● në trajtimin e sëmundjeve të veshkave tek pacientët hipertensivë që vuajnë nga diabeti tip 2 me proteinuri, si pjesë e trajtimit të tyre antihipertensiv.
Tableta te veshura me film - 20 mg
Mesacor përmban substancën aktive olmesartan medoksomil, i cili është një antagonist i receptorëve të angiotenzinës - II me veprim të ngjashëm me atë të losartanit.
Mesacor përdoret në kontrollin e hipertensionit.
Tableta - 250 mg
Mekanizmi i veprimit të metildopës ende nuk është përcaktuar plotësisht, por ka të ngjarë që ai të lidhet me metabolizmin e këtij bari në alfa-metilnoradrenalinë, e cila ul presionin arterial duke nxitur receptorët alfa-adrenergjikë që janë frenues qendrorë. Ajo jep një neurotransmetim falls dhe ul veprimtarinë e reninës plazmatike.
Tabletat Metil dopa 250 mg indikohen në mjekimin e hipertensionit.
Tableta – 100 mg
Metoprololi është një bar i cili bën pjesë në grupin e beta-bllokuesve kardioselektivë. Ai zvogëlon fuqinë kontraktuese të zemrës dhe pakëson numrin e rrahjeve të saj.
Metoprolol përdoret në:
• trajtimin e hipertensionit arterial;
• angina pektoris;
• aritmi kardiake;
• infarkt të miokardit;
• trajtimin ndihmës në hipertiroidizëm;
• profilaksi të migrenës.
Tableta te veshura me film - 50 mg
Metoprololi është një bar i cili bën pjesë në grupin e beta-bllokuesve kardioselektivë. Ai zvogëlon fuqinë kontraktuese të zemrës dhe pakëson numrin e rrahjeve të saj.
Metoprolol përdoret në:
• trajtimin e hipertensionit arterial;
• angina pektoris;
• aritmi kardiake;
• infarkt të miokardit;
• trajtimin ndihmës në hipertiroidizëm;
• profilaksi të migrenës.
Tableta 40 mg
Monopan përmban lëndën aktive izosorbid 5-mononitrat, që i përket grupit të nitrateve me veprim vazodilatator. Nitratet përdoren për trajtimin dhe parandalimin e simptomave të angina pektoris (dhimbja e gjoksit) dhe gjendje të tjera të zemrës duke përfshirë pamjaftueshmërinë e punës së zemrës. Angina është një dhimbje ose një shtrëngim i gjoksit i shkaktuar nga
mungesa e oksigjenit që shkon në muskulaturën e zemrës. Nitratet veprojnë në dy rrugë. Ato zgjerojnë arteriet të cilat çojnë gjak në muskulin e zemrës dhe relaksojnë venat të cilat kthejnë gjakun nga trupi në zemër. Të dy këto veprime lejojnë të shkojë më shumë oksigjen në muskulin e zemrës dhe pakësojnë punën e zemrës. Në këtë mënyrë parandalohet një atak akut i anginës dhe lehtësohet dhimbja e gjoksit e shkaktuar nga angina.
Tableta - 5 mg
Nebiol përmban si lëndë aktive nebivolol klorhidrat, i cili është një beta-bllokues kardioselektiv (d.m.th. me veprim përzgjedhës mbi sistemin kardiovaskular). Ai ushtron veprim zgjerues mbi enët e gjakut, i cili ndihmon në uljen e presionit të rritur të gjakut. Ai gjithashtu parandalon shtimin e rrahjeve të zemrës dhe kontrollon forcën pompuese të saj.
Nebiol indikohet për trajtimin e:
● hipertensionit esencial (presioni i rritur i gjakut);
● insufiçiencës kardiake të qëndrueshme të formës së lehtë ose mesatare në pacientët me moshë 70 vjeç ose më shumë, së bashku edhe me terapinë standarde.
Tableta - 20 mg
Nicordin është një bar për trajtimin e hipertensionit. Lënda aktive nitrendipinë është një antagonist i kalciumit, i tipit të dihidropiridinave.
Nicordin përdoret për trajtimin e hipertensionit esencial (hipertension i cili nuk është i lidhur me sëmundjen e një organi të caktuar).
