Blog

Dita Botërore Kundër Duhanit 2016

Dita Botërore Kundër Duhanit 2016 lightbox[DBKD alb]Dita Botërore Kundër Duhanit 2016

 

Dita Botërore Kundër Duhanit 2016:Bëhuni gati për një paketim të thjeshtë

 Çdo vit, më 31 maj, OBSH dhe partnerët festojnë Ditën Botërore Kundër Duhanit, duke theksuar rreziqet shëndetësore lidhur me përdorimin e duhanit dhe mbështesin politika efektive për të reduktuar konsumin e duhanit.

Për Ditën Botërore Kundër Duhanit, 31 maj 2016, OBSH dhe Sekretariati i Konventës në Kuadër të OBSH-së për Kontrollin e Duhanit u bëjnë thirrje vendeve të përgatiten për paketime të thjeshta (të standardizuara) të produkteve të duhanit.

Paketimi i thjeshtë përbën një masë të rëndësishme në reduktimin e kërkesës që zvogëlon tërheqjen ndaj produkteve të duhanit, kufizon përdorimin e paketimit të duhanit si formë e reklamimit dhe promovimit të duhanit, kufizon paketimet dhe etiketimet keqinformuese, si dhe rrit efektshmërinë e paralajmërimeve shëndetësore.

Paketimet e thjeshta të produkteve të duhanit i referohen masave që kufizojnë ose ndalojnë përdorimin e logove, ngjyrave, imazheve të markave ose informacioneve promocionale në paketimin përveç emrave të markave dhe atyre të produkteve të paraqitura në një ngjyrë dhe stil fonti standard.

Udhëzimet në Nenin 11 dhe 13 të Konvetës në kuadër të OBSH-së për Kontrollin e Duhanit (OBSH KKD) rekomandojnë që Palët të marrin në konsideratë miratimin e paketimeve të thjeshta.

Paketimet e thjeshta ndërtohen mbi bazën e masave të tjera si pjesë e një qasje gjithëpërfshirëse multisektoriale për kontrollin e duhanit. Hartuesit e politikave, shoqëria civile dhe publiku mund të marrin masa për të siguruar që qeveritë e tyre të konsiderojnë miratimin e paketimit të thjeshtë.

Fakte rreth paketimit të thjeshtë

Interesi ndaj paketimit të thjeshtë po përparon në të gjithë globin:

  • Në dhjetor 2012, Australia u bë vendi i parë për zbatimin e plotë të paketimit të thjeshtë.
  • Në vitin 2015, Irlanda, Mbretëria e Bashkuar e Britanisë së Madhe dhe Irlandës së Veriut si dhe Franca miratuan të gjitha ligjet për zbatimin e paketimit të thjeshtë që nga maji i vitit 2016.
  • Një sërë shtetesh janë në faza të avancuara për të konsideruar miratimin e ligjeve për paketimin e thjeshtë.

Qëllimet e fushatës së Ditës Botërore Kundër Duhanit 2016

Dita Botërore Kundër Duhanit 2016 ka për qëllim:

  • Të theksoj rolin e paketimit të thjeshtë, si pjesë e një qasjeje gjithëpërfshirëse, multisektoriale për kontrollin e duhanit.
  • Lehtësimin e zhvillimit të politikave nga shtetet anëtare dhe të globalizimit të paketimit të thjeshtë duke siguruar informacione informuese, imponuese dhe bindëse.
  • Inkurajimin e shteteve anëtare për të forcuar masat e paketimit dhe etiketimit si dhe kufizimet për reklamat; promovimin dhe sponsorizimin e paketimit të thjeshtë përmes një qasjeje të zgjuar.
  • Mbështetjen e Shteteve Anëtare dhe të shoqërisë civile kundër ndërhyrjeve të industrisë së duhanit në proceset politike drejt miratimit të ligjeve për paketimin e thjeshtë.

 

 

Share this  

Dita Botërore e Hipertensiontit 2016

Dita Botërore e Hipertensiontit 2016 lightbox[Hipertensioni alb]Dita Botërore e Hipertensiontit 2016

 

Dita Botërore e Hipertensiontit 2016

 

Dita Botërore e Hipertensionit festohet çdo vit më 17 maj për të rritur ndërgjegjësimin e përbashkët të publikut në lidhje me hipertensionin, masat parandaluese dhe komplikacionet e tij, përmes shumëllojshmërisë të aktiviteteve dhe ngjarjeve.

 Dita Botërore e Hipertensionit çdo vit përdor një temë të caktuar për të bërë fushata efektive në nivel ndërkombëtar, të zgjedhur nga Liga Botërore e Hipertensionit. Presioni i gjakut, i rekomanduar nga Liga Botërore e Hipertensionit, duhet të jetë më pak se 140/90 mmHg për popullatën e përgjithshme dhe hypertensivët pa komplikacione, ndërsa për njerëzit me diabet mellitus ose sëmundje kronike të veshkave, tensioni duhet të jetë më pak se 130/80 mmHg.

 Tema për vitin 2016 është "Mësoni presionin e gjakut juaj".

 

Çfarë është hipertensioni?

Hipertensioni quhet gjendja gjatë së cilës presioni i gjakut arterial është me i lartë se niveli normal (120/80 mmHg). Në shumë raste hipertensioni nuk jep simptoma duke u quajtur si vrasës i heshtur. Megjithatë në disa raste hipertensioni shumë i lartë mund të shfaqi disa simptoma të tilla si: dhimbje koke, përgjumje, palpitacion, shikim të turbullt, lodhje, marrje mendsh, konfuzion, ndjesi kumbuese në veshë, vështirësi në frymëmarrje, rrahje zemre të parregullta.

Ai ndahet në dy lloje (hipertension parësor ose esencial dhe hipertension dytësore) në bazë të faktorëve të ndryshëm që e shkaktojnë atë. Hipertensioni primar është lloji më i zakonshëm, shkaqet e të cilit janë të panjohura. Ndërsa shkaqet e hipertensionit dytësor janë dëmtimi i veshkave, aktiviteti i shtuar i gjendrës adrenale, sindroma e apnesë së gjumit, tumoret, drogat rekreative, mosfunksionimi i gjendrës tiroide, ngushtim i aortës, kushtet që lidhen me shtatzëninë, përdorimi për kohë të gjatë i barnave ose përdorimi i barnave të gabuara, pijet alkoolike, kequshqyerja etj

 

Share this  

Alergjitë sezonale

Alergjitë sezonale lightbox[Alergjitë alb]Alergjitë sezonale

 

Alergjitë sezonale!

Pranvera erdhi por jo për të gjithë kjo stinë është e mirëpritur! Çelja e pemëve paralajmëron rishfaqjen e alergjive të shkaktuara nga polenet, të cilët janë në ajër të gatshëm për një sulm alergjik.

 Çfarë është alergjia?

Alergjia është një përgjigje e sistemit imunitar ndaj një substance të mjedisit rrethues (polen, myk, pluhur…) që quhet alergen.

Alergjia është një problem shumë i zakonshëm, që prek të paktën 2 në 10 persona.

 Çfarë ndodh gjatë një reaksion alergjik?

Pasi personi ekspozohet ndaj një alergeni me anë të inhalacionit, gëlltitjes ose lëkurës, një seri ngjarjesh fiziologjike ndodhin në organizëm si pasojë e përgjigjes imunitare që shoqërohet me prodhimin e antitrupave specifike të quajtura IgE. Këto antitrupa lidhen me alergenin duke shkaktuar një zhinxhir reaksionesh kimike të cilat çlirojnë histaminën përgjegjëse për shfaqjen e alergjisë me simptoma të tilla si:

  • kruarje,
  • tështima
  • rrjedhje hundësh
  • skuqje (rash)
  • vështirësi në frymëmarrje etj...

 Trajtimi i alergjive sezonale

Në ditët e sotme vijnë në ndihmë alternativa të ndryshme terapeutike për trajtimin e alergjive sezonale.Trajtimi me barnat antihistaminike:

  • Cetirizinë (Alcet)
  • Ketotifen (Ketofex)
  • Loratadinë (Loraderm, Lorade)
  • Mebhidroline

 Trajtimi me barnat dekongjestionuese:

  • Nafazolinë (NAFAZOLINA SPRAJ)

 Trajtimi me inhibitorët e leukotrieneve:

  • Montelukast (Montelucast)

Në rastin e alergjive më të rënda, të cilat shkaktojnë efekte sistemike përveç simptomave lokale të tilla si: vështirësi në frymëmarrje, ulje të presionit arterial apo edhe reaksione anafilaktike, është shumë e nevojshme vizita mjekësore dhe trajtimi i menjëhershëm me kortizonikë (Prednizon, Prodexa).

 

Share this  

Dita Botërore e Sigurisë dhe Shëndetit në Punë 2016

World Day for Safety and Health at Work 2016 lightbox[WDSHW eng]World Day for Safety and Health at Work 2016

 

Dita Botërore e Sigurisë dhe Shëndetit në Punë 2016

 Tema e Ditës Botërore të Sigurisë dhe Shëndetin në Punë për vitin 2016 është "Stresi në vendin e punës: Një sfidë kolektive"

 

Çdo vit, më 28 prill, Dita Botërore për Sigurinë dhe Shëndetin në Punë, promovon parandalimin e aksidenteve në punë dhe sëmundjeve në nivel global. Kjo është një fushatë ndërgjegjësimi që ka si qëllim të përqendrojë vëmendjen ndërkombëtare mbi përmasat e problemit dhe se si promovimi dhe krijimi i një kulturë të sigurtë dhe të shëndetshme mund të ndihmojë në uljen e numrit të vdekjeve dhe dëmtimeve në punë.

 Sot, shumë punëtorë janë duke u përballur me një presion të madh për të përmbushur kërkesat e jetës moderne të punës. Rreziqet psiko-sociale të tilla si: rritja e konkurrencës, pritshmëritë e larta për performancë më të mirë dhe orët më të gjatë të punës, kontribojnë për vendin e punës duke e bërë një mjedis gjithnjë e më stresues. Me ritmin e punës diktuar nga komunikimet e çastit dhe nivelet e larta të konkurrencës globale, vijat që ndajnë punën nga jeta janë duke u bërë gjithnjë e më të vështira për tu identifikuar. Gjithashtu, si rrjedhojë e ndryshimeve masive të marrëdhenieve në punë si dhe reçesioni i tanishëm ekonomik, punëtorët janë duke përjetuar ndryshime dhe ristrukturime organizative, që reduktojnë mundësitë e punësimit, rrisin pasiguritë në punë nga frika e humbjes së saj, pushime masive nga puna, papunësi dhe ulje e stabilitetit financiar.Të gjitha këto çojnë në pasoja serioze për shëndetin e tyre mendor dhe ulin mirëqenien.

 

Share this  

Dita Botërore e Hemofilisë 2016

Dita Botërore e Hemofilisë 2016 lightbox[hemofilia alb]Dita Botërore e Hemofilisë 2016

 

Dita Botërore e Hemofilisë 2016

 

Dita Botërore e Hemofilisë është një kremtim ndërkombëtar që mbahet më 17 prill nga Federata Botërore e hemofilisë. Kjo është një ditë ndërgjegjësimi për hemofilinë dhe çrregullime të tjera të gjakut, që gjithashtu shërben për të mbledhur fonde dhe për të tërhequr vullnetarë. Dita Botërore e Hemofilisë filloi në vitin 1989 dhe mbahet çdo vit; më 17 prill, në nder të ditëlindjes së Frank Schnabel, themeluesit të Federatës Botërore të hemofilisë në vitin 1963.

 

Hemofilia është një grup i çrregullimeve gjenetike të trashëguara, që dëmtojnë aftësinë e trupit për të kontrolluar koagulimin e gjakut, i cili shërben për të ndaluar gjakderdhjen kur dëmtohet një enë gjaku. Hemofilikët (njerëzit me hemofili) kanë nivele të ulëta të faktorit të koagulimit në gjak dhe gjakderdhja vazhdon për periudha shumë më të gjatë.

Ka dy lloje të hemofilisë. Hemofilia A është më e shpeshtë dhe lidhet me nivele të ulëta të faktorit VIII të koagulimit (8). Hemofilia B është më e rrallë dhe lidhet me nivele të ulëta të faktorit IX të koagulimit (9). Hemofilia diagnostikohet duke marrë një mostër të gjakut dhe duke testuar nivelit e faktorit VIII dhe faktorit IX të koagulimit.

 

Hemofili A është forma më e zakonshme e sëmundjes, e pranishme 1 në 5,000 - 10,000 meshkuj dhe Hemofili B e pranishme 1 në 20,000 - 34,000 meshkuj të lindur me këtë sëmundje.

Çdo lloj i hemofilisë shkakton gjakderdhje të zgjatur e cila është simptoma kryesore e hemofilisë. Gjakderdhjet mund të jenë të lehta deri në të rënda. Gjakderdhje shpesh është e brendshme, por në disa raste gjakderdhja mund të jetë dhe e jashtme.

 

Nëse nuk trajtohen, rastet të rënda të hemofilisë mund të çojnë në vdekje. Megjithatë, në ditët e sotshme ekzistojnë trajtime të suksesshme që menaxhojnë sëmundjen dhe mundësojnë që njerëzit me hemofili të jetojnë një jetë të plotë dhe të shëndetshme. Trajtimet e hemofilisë përfshijnë injektimin e faktorit të koagulimit që mungon në gjak.

 

Për fat të keq, ka shumë njerëz në botë, që marrin trajtim të dobët ose nuk marrin aspak trajtim për hemofilinë dhe çrregullime të lidhura me gjakderdhjen. Sipas Federatës Botërore të hemofilisë, rreth 1 në çdo 1000 persona ka një çrregullim në gjak; si dhe shumë janë të sëmurë dhe nuk trajtohen. Qëllimi i Ditës Botërore të Hemofilisë është për të rritur ndërgjegjësimin në lidhje me hemofilinë dhe për të rritur mundësinë e trajtimeve për këtë sëmundje në mbarë botën.

 

Slogani për Ditën Botërore të Hemofilisë 2016 është "mbyll hendekun".

 

 

Share this