Blog

Profili i Kompanisë PDF

Klikoni foton per të shfletuar "Profili i Kompanisë"

Profili i Kompanise Profili i Kompanisëlightbox[Company Profile alb 90% 90%]Profili i Kompanise

 

  

Share this  

 

 

Dita Botërore Kundër HIV-AIDS !

Dita Botërore Kundër HIV-AIDS ! lightbox[HIV-AIDSalb]Dita Botërore Kundër HIV-AIDS !

 

ÇFARË ËSHTË DITA BOTËRORE KUNDËR HIV/AIDS-IT?

1 Dhjetori është dita botërore e HIV/AIDS.Çdo vit kjo datë është një mundësi që njerëzit nga mbarë bota të bashkohen dhe të luftojnë HIV/AIDS-in, të mbështesin personat e sëmurë dhe të kujtojnë ata që kanë vdekur. Dita botërore e HIV/AIDS u zyrtarizua si e tillë për herë të parë në vitin 1988.

 

PSE ËSHTË E RËNDËSISHME DITA BOTËRORE KUNDËR HIV/AIDS-IT?

Në të gjithë botën janë mbi 34 milion njerëz të cilët e kanë virusin. Edhe pse virusi është identifikuar në vitin 1984, më shumë se 35 milion njerëz kanë vdekur nga HIV/AIDS, duke e bërë një nga sëmundjet më pandemike në histori.

Në ditët e sotme janë bërë kërkime të avancuara shkencore për trajtimin e kësaj sëmundje. Sot ekzistojnë ligje që mbrojnë personat e sëmurë me HIV/AIDS. Sot ne të gjithë jemi më shumë të informuar dhe të ndërgjegjësuar në lidhje me situatën. Pavarësisht kësaj, çdo vit në botë shumë persona diagnostikohen me HIV/AIDS, kjo sepse njerëzit akoma nuk janë ndërgjegjësuar në lidhje me faktin se si të mbrojnë veten dhe të tjerët. Stigmat dhe diskriminimi ngelen një realitet i hidhur për të gjithë ata që vuajnë nga kjo sëmundje.

Dita botërore e HIV/AIDS është e rëndësishme sepse rikujton publikun dhe qeverinë që kjo sëmundje ende nuk është zhdukur dhe ka një nevojë të madhe për të rritur të ardhurat monetare, të rritet shkalla e të qënit të kujdesshëm,të luftohen paragjykimet dhe të përmirësohet edukimi.

 

ÇFARË DUHET TË BËJMË NË DITËN BOTËRORE KUNDËR HIV/AIDS-IT?

Dita botërore e HIV/AIDS është një mundësi e mirë për të mbështetur dhe për tu solidarizuar me miliona njerëz të infektuar me këtë sëmundje, si psh një mënyrë është vendosja e një fjongoje të kuqe.

 

Share this  

 

 

Dita botërore në kujtim të viktimave nga aksidentet rrugore !

Udhëtoni me kujdes ! lightbox[Drive]Udhëtoni me kujdes !

 

Aksidentet nga trafiku rrugor janë shkaku kryesor i vdekjeve për moshat e reja 15-29 vjeç.

Në tetor 2005, Asambleja e Përgjithshme e Kombeve të Bashkuara miratoi një rezolutë, në të cilën i bëhej thirrje qeverive që ta kujtonin çdo vit të dielën e tretë të muajit nëntor si dita botërore në kujtim të viktimave nga aksidentet rrugore.

Kjo ditë u krijua si një mjet për të njohur viktimat e trafikut rrugor si dhe shqetësimet e të afërmve të tyre të cilët duhet të përballen me pasojat emocionale të këtyre ngjarjeve tragjike.

Përkujtohet për të tërhequr vëmendjen e publikut për aksidentet nga trafiku rrugor, pasojat e tyre, shpenzimet, si dhe masat që mund të merren për të parandaluar ato.

 

 

Share this  

 

 

Paracetamoli dhe Ibuprofeni, përdorimi i tyre tek fëmijët !

Paracetamoli dhe Ibuprofeni, përdorimi i tyre tek fëmijët ! lightbox[Dengue]Paracetamoli dhe Ibuprofeni, përdorimi i tyre tek fëmijët !

 

Paracetamoli dhe Iboprufeni janë dy medikamente cilësore të cilat ndihmojnë në uljen e temperaturës dhe lehtësimin e dhimbjeve tek fëmijët.

Në farmaci këto medikamente   gjenden në formë shurupi dhe supozitori.

Paracetamol Shurup 120 mg / 5 ml;

Paracetamol Supozitor – 100mg, 125mg, 250mg.

Fasdol (ibuprofen ) – shurup 100mg/5ml

Fasdol Supozitor - 75mg, 150mg.

Të dyja keto medikamente janë antipiretikë dhe analgjezikë, por në ndryshim nga Paracetamoli, Fasdoli (ibuprofeni) është edhe antiinflamator.

Mungesa e aktivitetit antiinflamator të Paracetamolit i përket faktit që Paracetamoli është një inkibues (frenues) i dobët i ciklogjenazës. Gjithashtu ky medikament nuk inkibon aktivitetin e neutrofileve ndryshe nga ibuprofeni. Aktiviteti antipiretik i dedikohet inkibimit të ciklogjenazës – 3(Cox-3). Absorbohet shumë shpejt në traktin gastrointestinal (95-98%); shpërndahet me shpejtësi në lëngun organik dhe metabolizohet në mëlci. Një pjesë shumë e vogël eleminohet me urinën

 (2-3%).

Iboprufeni nëpërmjet inkibimit të enzimes ciklooksigjenaza – 1 ( COX-1) dhe

 ciklooksigjenaza – ( COX-2) , çon në reduktimin e sintezës së prostaglandinave, mediatorët më të rëndësishëm të inflamacionit , dhimbjes dhe hiperpireksisë ( temperaturë e lartë).

Krahasuar me Paracetamolin, Fasdoli ka një kohëzgjatje veprimi më të madhe në organizëm. Kjo është edhe arsyeja e marrjes më rrallë, cdo 6 deri 8 orë jo më shumë se 3 herë në ditë.

Ibuprofeni duke mos qenë selektiv i enzimave ( COX -1 , COX -2) ka si efekt anësor irritimin e stomakut, prandaj këshillohet gjithmonë marrja e tij pas buke.

Paracetamoli është më i lehtë si medikament por marrja e tij për një kohë të gjatë dhe ne doza të mëdha  dëmton mëlcinë .Rekomandohet  marrja e dozave sipas udhëzimit të mjekut ose farmacistit , pirja cdo 4 deri 6 orë dhe jo më shumë se 5 herë në një periudhë 24 orëshe.

 Nëse fëmija në të njëjtën kohë po merr edhe një tjetër mjekim për të shmangur një mbidozë potencialisht fatale duhet të siguroheni që medikamenti tjetër të mos përmbajë paracetamol.

Në temperatura të larta mbi 38.5 °C  rekomandohet marrja e Fasdolit ( shurup ose supozitor ), ndërsa në temperatura më të ulëta këshillohet marrja e Paracetamolit gjithmonë sipas udhëzimeve të mjekut ose farmacistit.  

 

Share this  

 

Gjashtë këshilla për të shmangur gabimet gjatë mjekimit me barna !

Këshilla për të shmangur gabimet gjatë mjekimit me barna! lightbox[Keshilla]Këshilla për të shmangur gabimet gjatë mjekimit me barna!

  

  1. Sigurohuni për emrat e barnave tuaja. Nuk duhet të mjaftoheni vetëm nga receta që ju përshkruan mjeku juaj por duhet të siguroheni për emrat e barnave që janë përshkruar në recetë në mënyrë që të evidentoni nëse farmacisti ju jep diçka të ndryshme. Gjithashtu, edhe në rastet kur vazhdoni mjekimin për një kohë të gjatë me të njejtat barna, shikojini ato para se të largoheni nga farmacia, për t'u siguruar se keni marrë të njëjtin mjekim me të njëjtin paketim, ngjyrë, formëdozë dhe cilësi me mjekimin e mëparshëm. Nëse vëreni ndonjë ndryshim, pyesni farmacistin në lidhje me të. "
  2. Bëni pyetje për përdorimin e barit. "Është e rëndësishme të zgjedhni një mjek dhe farmacist që ju ben të ndiheni rehat me të, në mënyrë që të mundeni të bëni pyetje lirshëm. Ja disa prej pyetjeve që duhet të bëni:

Çfarë duhet të bëj nëse harroj një dozë?

A duhet ta marrë këtë bar para, gjatë, ose pas ushqimit?

Çfarë intervali kohor duhet respektuar midis dy dozave?

Cilat janë efektet anësore që mund të më shfaqen?

A ka ndonjë medikament, ushqim, apo aktivitet që duhet të shmang gjatë përdorimit të këtij mjekimi?

Barnat duhet të ruhen në frigorifer apo në temperaturën e dhomës?

  1. Duhet te dini se çfarë është bari që po përdorni. Stephen Setter, profesor i asociuar i farmakoterapisë në Washington State University në Spokane, tregon rastin e njërës prej pacienteve të tij, e cila gabimisht mendonte se barnat për trajtimin e glaukomës, ishin për trajtimin e dhimbjes së kokës. "Pra, ajo ishte duke i marrë barnat për trajtimin e glaukomës vetëm kur kishte dhimbje koke, ndërkohë që ato barna duhet të merren çdo ditë. Është e rëndësishme të kuptoni mjekimin tuaj, në mënyrë që ta përdorni atë kur duhet si edhe të jeni të aftë të raportoni mjekimin që ju jeni duke përdorur dhe problemet tek mjeku dhe farmacisti juaj.
  2. Lexoni me kujdes etiketat e barnave dhe ndiqni udhëzimet. Para se të përdorni një bar, ju duhet të dini kur duhet ta përdorni, sasinë që duhet të përdorni dhe kohën që duhet ta përdorni atë.
  3. Mbani të informuar të gjithë personelin mjekësor në lidhje me barnat tuaja dhe shtesat ushqimore dietike (përfshirë vitaminat dhe barnat bimore). Bëjeni zakon të tregoni listën tuaj të barnave në çdo vizitë mjekësore që kryeni tek mjeku juaj ose në qendra të ndryshme shëndetësore, spitale, etj... Kjo gjë do t’ju ndihmojë të siguroheni që nuk jeni duke u trajtuar njëkohësisht me dy barna që kanë të njëjtin përbërës aktiv, ose jeni duke përdorur barna që mund të bashkëveprojnë me njera tjetrën.
  4. Mbani listën e barnave tuaja dhe shtesave ushqimore gjithë kohën me vete si edhe jepini një kopje të asaj liste një familiari apo miku tuaj ose bejani të ditur vendin në të cilin e keni vendosur në shtëpinë tuaj, që në rast urgjence, ai person të jetë në gjendje të informojë mjekët mbi barnave dhe shtesat ushqimore që ju përdorni.

 

Share this  

 

More Articles ...

  1. Menopauza